कावासोती नगरपालिका-२ मा संविधानको विरोध गर्ने व्यक्ति पक्राउ
Mayorsap | ८ महिना अगाडि 
नवलपुर । नवलपुरको कावासोती नगरपालिका-२ निवासी इन्द्र सिग्देलले कालोपट्टी बाँधेर संविधानको विरोध गरिरहेका बेला प्रहरीले नियन्त्रणमा लिएको छ।
राजावादी पक्षधरहरुले कावासोतीको फलफूल चोकमा संविधान दिवसलाई कालो दिनको रुपमा मनाउने तयारी गरिरहेको समयमा कावासोती नगरपालिका-२ निवासी इन्द्र सिग्देल पक्राउ परेका हुन्।
सिग्देल निधारमा कालोपट्टी बाँधेर कार्यक्रम सुरु हुनुपूर्व नै बसेका थिए। जिल्ला प्रहरी कार्यालय नवलपुरका प्रहरी उपरीक्षक नरहरि रेग्मीले सिग्देललाई साँझतिर छोडिने जानकारी दिए।
