काठमाडौं । गत चैत १५ गते तीनकुनेमा राजावादी प्रदर्शनका क्रममा हिंसा भड्काएको आरोपमा प्रहरीले अर्को एक जनालाई पक्राउ गरेको छ । प्रहरीले धादिङको सिद्धलेक गाउँपालिका–१ घर भइ कलङ्की बस्ने सन्तोष राजावादी भनिने सन्तोष कुमार सिलवाललाई पक्राउ गरेको हो ।

प्रहरीको केन्द्रीय अनुसन्धान ब्युरोले शुक्रबार राति कोटेश्वरबाट सिलवाललाई पक्राउ गरेको हो । उनलाई कानुनी कार्बाहीका लागि जिल्ला प्रहरी परिसर काठमाडौं लगिएको छ । सिलवालमाथि निषेधित क्षेत्र तोडेको आरोप छ ।

तीनुकने घटनामा प्रहरीले अहिलेसम्म २ सय जनालाई पक्राउ गरेको छ भने ८२ जनालाई अदालबाट म्याद थप गरेर अनुसन्धान गरिरहेको छ ।