जंगलमा लागेको डढेलोले भेट्दा नवदुर्गा गाउँपालिकामा आगलागी
Mayorsap | ३ हप्ता अगाडि 
डडेल्धुरा । नवदुर्गा गाउँपालिकाको कार्यालयका तीन वटा शाखामा आगलागी भएको छ । जङ्गलबाट फैलिएको आगोले स्वास्थ्य, महिला तथा बालबालिका र आन्तरिक लेखापरीक्षण शाखामा क्षति पुगेको प्रमुख प्रशासकीय अधिकृत अमितकुमार साहले जानकारी दिए ।
आज दिउँसो आगलागी हुँदा प्रिप्याफ भवन र भवनमा रहेका महत्वपूर्ण कागजात जलेर नष्ट भएका उनले बताए । जङ्गल क्षेत्रमा आगो नियन्त्रणमा नआएकाले जोखिम कायमै रहेको र स्थानीयवासी, नेपाली सेना र प्रहरी संयुक्त रूपमा आगो निभाउने प्रयासमा जुटिरहेका छन् ।
दुर्गा भवानी सामुदायिक वनमा लागेको डढेलोको आगो हावाको कारणले पालिकासम्म पुगेको हो । पालिका कार्यालयले हालसम्म क्षतिको यकिन विवरण सङ्कलन गर्न नसकेको जनाइएको छ ।
