खाँडादेवी गाउँपालिकाद्वारा ८० प्रतिशत अनुदानमा बिरुवा वितरण
Mayorsap | ५ दिन अगाडि 
रामेछाप । खाँडादेवी गाउँपालिकाले आर्थिक वर्ष २०८१\०८२ को स्वीकृत वार्षिक कार्यक्रम अन्तर्गत ८० प्रतिशत अनुदानमा बिरुवा वितरण कार्यक्रम सञ्चालन गर्ने भएको छ ।
गाउँपालिकाकाले एक सूचना जारी गर्दै कृषकहरूको मागलाई सम्बोधन गर्ने उद्देश्यले अनुदानमा बिरुवा वितरण गर्न लागेको जानकारी दिएको छ ।
सूचना अनुसार इच्छुक कृषक, कृषक समूह, कृषि सहकारी संस्था वा कृषि फार्महरूलाई आवश्यक कागजातसहित २०८२ जेठ १५ गतेभित्र निवेदन दिन आग्रह गरिएको छ ।
आवश्यक कागजातसहित निवेदन कृषि विकास शाखा वा सम्बन्धित वडा कार्यालयमा बुझाउन सकिने गाउँपालिकाले जनाएको छ ।
