मकवानपुरमा अवैध भरुवा बन्दुकसहित एक जना पक्राउ
मेयरसाप डेस्क | ३ हप्ता अगाडि 
काठमाडौं । मकवानपुर जिल्ला ईन्द्रसरोबर गाउँपालिकामा अवैध भरुवा बन्दुकसहित प्रहरीले एक जनालाई पक्राउ गरेको छ । बिहीवार ईन्द्रसरोबर गाउँपालिका–५ बस्ने ६० वर्षीय साङ दोर्जे लामालाई प्रहरीले भरुवा बन्दुकसहित पक्राउ गरेको हो ।
राति करिब १० बजे प्राप्त सूचनाको आधारमा इलाका प्रहरी कार्यालय भिमफेदी मकवानपुरबाट खटिएको प्रहरी टोलीले लामाको घरमा खानतलासी गरेको थियो ।
खानतलासीका क्रममा एक थान भरुवा बन्दुक फेला परेपछि प्रहरीले बन्दुकसहित लामालाई नियन्त्रणमा लिएको छ । लामामाथि हातहतियार तथा खरखजनासम्बन्धी कसुर मुद्दामा थप अनुसन्धान भइरहेको प्रहरीले जनाएको छ ।
