रसुवामा बाढीले नेपाल–चीन मितेरी पुल बगायो, ठूलो धनजनको क्षति भएको आशंका
मेयरसाप डेस्क | ७ घण्टा अगाडि 
काठमाडौं । भोटेकोशी नदिमा एक्कासी ठूलो बाढी आउँदा रसुवागढी भन्सार क्षेत्र टिमुरेमा ठूलो क्षति भएको छ। अहिलेसम्म बाढीले गरेको क्षतिको यकिन विवरण नआएपनि नेपाल र चीनको सीमा नाकामा रहेको मितेरी पुल भने पुरै बगाएको प्रहरीले जनाएको छ ।
मितेरी पुल बगाएसँगै नेपालको चीनसँगको सम्पर्क विच्छेद भएको छ । भन्सारको यार्डमा जाँचपासका लागि राखेका सबै इभी बगाएको छ भने जलविद्युत आयोजनाका सामानहरू पनि बगाएको छ । बाढीले मानिसहरुसमेत बगाएको आशंका गरिएको छ।
कतिपय मानिस अझै पनि नदि क्षेत्रमा फसेका प्रहरीले जनाएको छ। उद्धारका लागि प्रहरीको टोली गएपनि पानीको सतह नघटेका कारण अहिले त्यहाँ पुग्न सकेको छैन । अहिले नेपाली सेनासँग समन्वय गरेर हेलिमार्फत उद्धारका लागि छलफल भइरहेको रसुवाका प्रमुख जिल्ला अधिकारी अर्जुन पौडेलले जानकारी दिए ।
