रोटरी न्यातपोलको अध्यक्षमा घिमिरे नियुक्त, निवर्तमान अध्यक्ष श्रेष्ठद्वारा कार्यभार हस्तान्तरण
मेयरसाप डेस्क | ५ घण्टा अगाडि 
काठमाडौं । रोटरी न्यातपोलका अध्यक्ष बिष्णुकान्त घिमिरेले र बोर्ड कमिटीले पदभार ग्रहण गरेका छन् । क्लबको छैटौं पदस्थापना कार्यक्रममा रोटरी बर्ष २०२५/२६ का लागि अध्यक्ष नियुक्त भएका घिमिरेलाई निवर्तमान अध्यक्ष राकेशराम श्रेष्ठले कार्यभार हस्तान्तरण गरे ।
घिमिरेले गत वर्षहरुदेखि हुँदै आएका क्लबका सामाजिक कामहरुको निरन्तरता दिँदै यस वर्ष ग्रामीण भेगका किसानलाई प्रोत्साहित गर्दै व्यावसायिक कफीखेतीमा सहयोग गर्ने योजना रहेको घोषणा गरे । ‘ब्लाक गोल्ड’का रुपमा परिचित कफीको उत्पादन बढाइ ग्रामीण किसानको अर्थोपार्जनमा सघाउन कफीखेती प्रवद्र्धनको योजना ल्याइएको घिमिरेको भनाइ छ ।
घिमिरे नेतृत्वको कार्यसमितिमा निवर्तमान अध्यक्ष एवं सर्जेन्ट एट आम्र्समा राकेशराम श्रेष्ठ, प्रेसिडेन्ट इलेक्ट रमन श्रेष्ठ, उपाध्यक्ष उमेश पाण्डे, सचिव कृष्ण कुँवर, कोषाध्यक्ष प्रबिना अमात्य, क्लब लनिङ फ्यासिलिटेटर बिजय शर्मा, एड्मिन डिरेक्टर अप्सरा तिमिल्सिना, सर्भिस कमिटीमा डिरेक्टर उपासना शर्मासहित दिपेस रेग्मी र प्रविन अधिकारी हुन् ।
त्यस्तै टिआरएफ निर्देशक ऋतु वाग्ले, अन्तर्राष्ट्रिय समितिका निर्देशक अनिसा जोशीसहित उत्सव सिंह अधिकारी, कृष्मा जोशी र प्रवेशलाल जोशी, पब्लिक इमेज कमिटीमा बासु महर्जन र अजय अर्याल, मेम्बरसिप कमिटीमा निर्देशक सुनैना श्रेष्ठसहित प्रबिन महर्जन तथा सल्लाहकारमासागर लोहनी र सुवर्ण थापा रहेका छन् ।
कार्यक्रमका प्रमुख अतिथि एवं रोटरी डिस्ट्रिक २३९२ नेपाल भुटानका गभर्नर बिष्णुबहादुर कार्कीले विगतमा रिट¥याक्टको सफल नेतृत्व गरिसकेका घिमिरेले रोटरी न्यातपोललाई नयाँ उचाइमा पु¥याउने विश्वास व्यक्त गरे ।
क्लबका असाइन असिस्टेन्ट गभर्नर डा बुद्धिमान श्रेष्ठले सदस्यहरुको व्यक्तित्व बिकास र आपसी सम्बन्धको बिस्तारलाई मध्यनजर गर्दै फेलोसिप र नेटवर्किङ बैठकहरुको योजना क्लबको उत्कृष्ट पाटो रहेको टिप्पणी गरे।
त्यस अवसरमा रोटरी इन्टरनेशनल जोन ६ को मेम्बरसिप कोर्डिनेटरमा मनोनित सन्जय गिरी, जोन ६ कै असिस्टेन्ट क्षेत्रीय मेम्बरसिप संयोजकमा मनोनित जितेन्द्रबहादुर भण्डारीलाई रोटरी न्यातपोलको तर्फबाट सम्मान समेत गरिएको थियो । क्लबका संस्थापक अध्यक्ष बिजय शर्माले क्लबका गतिविधिमा रोटरी डिस्ट्रिकको निरन्तर साथ र समर्थनप्रति आभार व्यक्त गरे ।
त्यस्तै क्लबले पदस्थापन कार्यक्रममै पत्रकार कमलकुमार बस्नेत र पर्वतारोहण व्यवसायमा सक्रिय प्रशन्न घिमिरेलाई नयाँ सदस्यता प्रदान गरेको छ ।
कार्यक्रमम रोटरी डिस्ट्रिक २३९२ नेपाल भुटानका पूर्वगभर्नरहरु योगेन्द्रमान प्रधान, चिन्तामणी भट्टराई, निवर्तमान गभर्नर राजेन्द्रमान सेरचन, गभर्नर नोमिनी आइ पि ढकाल, अग्रज रोटेरियन के बि क्षेत्री, भुवनकुमार श्रेष्ठ, दिनेश मानन्धर, विष्णुहरि दाहाल, राजेन्द्र श्रेष्ठ, लाक्फुटी सेर्पा, लक्ष्मी खनाल, अमित गिरी बिनिता हाडा, सुमिरा श्रेष्ठ, अनिल थपलियालगायतको उपस्थित थियो ।
त्यस्तै मास्टर सेफ सन्तोष साह, बिबि एयरका संस्थापक विष्णुबहादुर ढकाल, नेपाल टेबल फुसबल एसोसिएसनका उत्तम घिमिरे, गायिकाद्वय रेश्मा पुन र सिर्जना खत्रीले रोटरीको सामाजिक काममा होस्टेमा हैंसे गर्न तयार भएको प्रतिबद्धता व्यक्त गरे ।
