कञ्चनपुरको महाकाली नदीमा डुबेर दुई बालिका बेपत्ता

मेयरसाप डेस्क | ४ घण्टा अगाडि

धनगढी । कञ्चनपुरको महाकाली नदीमा नुहाउने क्रममा डुबेर दुई बालिका बेपत्ता भएका छन् ।

बेपत्ता हुनेमा भीमदत्त नगरपालिका–११ का ७ वर्षीया सानवी पन्त र ८ वर्षीया जिविका पन्त रहेको जिल्ला प्रहरी कार्यालयका प्रवक्ता डीएसपी सागर बोहोराले जानकारी दिए ।

आइतबार दिउँसो करिब १ः३० बजेतिर नदीमा नुहाउँदै गर्दा उनीहरू बेपत्ता भएका हुन् ।

नेपाल प्रहरी, सशस्त्र प्रहरी र नेपाली सेनाले अहिले उनीहरूको खोजी कार्य जारी राखेका छन् ।