कैलाली कारागारको घटनापछि गृह तानिए सिडिओ

मेयरसाप डेस्क

कैलाली । कैलाली कारागारमा भएको झडपमा एक कैदीबन्दीको मृत्यु भएपछि प्रमुख जिल्ला अधिकारी (सिडिओ) गोगनबहादुर हमाललाई गृह मन्त्रालय तानिएको छ । 

मन्त्रालयले हमालको ठाउँमा दाङका सिडिओ कृष्णप्रसाद लम्साललाई कैलाली पठाएको हो ।

गत साउन २३ गते राति कैलाली कारागारका दुई ब्लकका कैदीबन्दीहरूबीच भएको झडपमा धनगढी उपमहानगरपालिका–४ का ४० वर्षीय भरत चौधरीको मृत्यु भएको थियो । सो घटनामा अन्य ४७ जना घाइते भएका थिए ।

घटनाको छानबिन र व्यवस्थापकीय कमजोरी देखिएपछि सिडिओ हमाललाई मन्त्रालय तानिएको बुझिएको छ । दाङमा भने हालसम्म नयाँ सिडिओ खटाइएको छैन ।