आज राष्ट्रिय सभामा उठेका प्रश्नहरुको अर्थ मन्त्रीले जवाफ दिने

मेयरसाप डेस्क

काठमाडौं। आज दिउँसो १ः१५ बजे राष्ट्रिय सभा बैठक बस्दैछ। आजको बैठकमा अर्थ मन्त्रालयसँग सबन्धित मौखिक प्रश्नहरूको सबन्धित मन्त्रीले जवाफ दिने तय भएको छ ।

विधायन व्यवस्थापन समितिकी सभापति तुलसा कुमारी दाहालले ‘राष्ट्रिय विधि विज्ञान प्रयोगशाला (स्थापना र सञ्चालन) विधेयक, २०८१ सबन्धी विधायन व्यवस्था समितिको प्रतिवेदन पेश गर्ने छिन् ।

राष्ट्रिय सभाका सचिव डा.सुरेन्द्र अर्यालले ‘बैकल्पिक विकास वित्त परिचालन विधेयक, २०८१’ का सबन्धमा प्रतिनिधि सभाबाट प्राप्त सन्देश सभा समक्षा टेबुल गर्नेछन् भने संस्कृति पर्यटन तथा उड्डयन मन्त्री  बद्रीप्रसाद पाण्डेले ‘अभौतिक सांस्कृतिक सम्पदा संरक्षण विधेयक, २०८१ लाई दफावार छलफलका लागि विधायन व्यवस्थापन समितिमा पठाइयोस्’ भन्ने प्रस्ताव प्रस्तुत गर्नेछन ।

साथै, सञ्चार सुचना प्रविधि मन्त्री पृथ्वीसुब्बा गुरूङले ‘सामाजिक सञ्जाल विधेयक, २०८१ लाई दफावार छलफलका लागि विधायन व्यवस्थापन समितिमा पठाइयोस्’ भन्ने प्रस्ताव प्रस्तुत गर्नेछन् ।