सङ्खुवासभाले पायो पहिलो महिला प्रमुख जिल्ला अधिकारी
मेयरसाप डेस्क
|
२ घण्टा अगाडि
सङ्खुवासभा । सङ्खुवासभाको प्रमुख जिल्ला अधिकारी (प्रजिअ) को जिम्मेवारी सहसचिव सिर्जना थपलियाले सम्हालेकी छिन् । जिल्लाको इतिहासमा उनी नै पहिलो महिला प्रजिअ हुन् ।
यसअघि प्रधानमन्त्री तथा मन्त्रिपरिषद्को कार्यालयमा कार्यरत थपलियाले यहाँ ४८ औँ प्रमुख जिल्ला अधिकारी को रूपमा पदभार ग्रहण गरेकी हुन् ।
सञ्चारकर्मीहरूसँग कुरा गर्दै उनले निजामती सेवामा हासिल गरेको आफ्नो अनुभवलाई सङ्खुवासभाको विकासमा लगाउने प्रतिबद्धता व्यक्त गरिन् ।
उनले जिल्लाका सबै राजनीतिक दल, बुद्धिजीवी तथा नागरिक समाजसँगको सहकार्यमा जिम्मेवारी पूरा गर्ने बताएकी छिन् ।
Facebook Comments