सुदूरपश्चिमको अपि हिमालमा पहिलो पटक आरोहण

मेयरसाप डेस्क

काठमाडौं । सुदूरपश्चिम प्रदेशको दार्चुलास्थित अपि हिमालको पहिलो पटक आरोहण गर्न १५ सदस्यीय टोली आज त्यसतर्फ प्रस्थान गरेको छ ।

नेपाल पर्वतारोहण सङ्घ (एनएमए) द्वारा आयोजित बिदाइ कार्यक्रममा संस्कृति, पर्यटन तथा नागरिक उड्डयनमन्त्री बद्रीप्रसाद पाण्डेले टोलीलाई बिदाइ गरेका हुन् ।

नेपाल सरकारले हालै राजपत्रमार्फत सुदूरपश्चिम र कर्णाली प्रदेशका ९७ वटा हिमालको दुई वर्षका लागि आरोहण शुल्क छुट दिने निर्णय गरेपछि यो आरोहण सुरु भएको हो ।

मन्त्री पाण्डेले यो अभियान सुदूरपश्चिमका लागि ऐतिहासिक भएको बताउँदै यसले स्थानीयस्तरमा समन्वय र सहकार्यलाई प्रवद्र्धन गर्ने तथा दुवै प्रदेशको पर्यटन विकासमा योगदान पुर्याउने विश्वास व्यक्त गरे ।

आरोही टोलीमा अपि गाउँपालिकाबाट समेत सदस्यहरू सहभागी छन् । यो आरोहणले सुदूरपश्चिमको पर्यटन र पर्वतारोहण क्षेत्रमा नयाँ अवसरहरू ल्याउने अपेक्षा गरिएको छ ।