रसुवागढीमा सुख्खा पहिरो, घरटहरा र सवारीसाधनमा क्षति

User Image मेयरसाप डेस्क | ५ घण्टा अगाडि
Image of https://mayorsap.com/storage/photos/10/68b43fb497e61.jpg

रसुवा । रसुवागढी क्षेत्रमा आज गएको सुख्खा पहिरोले एक जना युवालाई गम्भीर घाइते बनाएको छ भने केही घर, टहरा र सवारीसाधनमा क्षति पुर्याएको छ ।

जिल्ला प्रहरी प्रमुख हेमबहादुर शाहीका अनुसार, स्थानीय वर्कशपमा काम गर्ने पर्साका १९ वर्षीय विमलदास थारू पहिरोमा परी घाइते भएका हुन् ।

उनको टाउको र छातीमा गम्भीर चोट लागेको र स्थानीय अस्पतालमा उपचार सम्भव नभएपछि थप उपचारका लागि काठमाडौं पठाइएको छ ।

पहिरोले रसुवागढी पूर्वतर्फको सडक अवरुद्ध भएको छ । साथै, त्यहाँ रोकिएका स्काभेटर, ट्र्याक्टर, कन्टेनर, जीप, सुरक्षाकर्मीको प्रिफ्याब भवन, हेल्थ डेस्क र चिया पसलमा पनि क्षति पुगेको छ ।

हिमताल फुटेर आएको बाढीले पहिले नै त्रसित बनेका स्थानीय र व्यवसायीहरू सुख्खा पहिरोका कारण पुनः असुरक्षित महसुस गरेको गुनासो गरेका छन् । यस क्षेत्रमा रहेका सवारीसाधनलाई सुरक्षित स्थानमा सार्न पनि अनुरोध गरिएको छ ।


Facebook Comments