क्षतिग्रस्त संसद भवन पुगेर सभामुख घिमिरेले भने–संसद विघटन नगरी समाधान खोज्न सकिएको भए राम्रो हुन्थ्यो

'अन्तरिम सरकारले अहिले देखिएका समस्या समाधान गरी अगाडि बढ्नुपर्छ'

मेयरसाप डेस्क

काठमाडौं। सभामुख देवराज घिमिरेले प्रतिनिधिसभा विघटन नगरी संसदभित्रबाट समाधान खोज्न सकेको भए राम्रो हुने बताएका छन् । आज सभामुख घिमिरेले क्षतिग्रस्त संसद भवनको अवलोकन गरेपछि यस्तो बताएका हुन् । 

जेनजी आन्दोलनका क्रममा तोडफोड र आगजनीबाट नयाँ वानेश्वरस्थित संघीय संसद भवन ध्वस्त भएपछि समाभुख घिमिरे आज अवलोकनका लागि संसद भवन पुगेका थिए । 

अवलोकनपछि पत्रकारसँग कुराकानी गर्दै सभामुख घिमिरेले भने– ‘प्रतिनिधिसभा विघटन नगरी संसदबाटै समाधान खोज्न सकेको भए राम्रो हुन्थ्यो ।’ 

जेनजीको आन्दोलनमा घटेका घटना ज्यादै दुःखद रहेका सभामुख घिमिरेले बताए । अब अहिलेको परिस्थितिबाट उठेर ठिक ढङ्गबाट अगाडि जानु सबैको दायित्व रहेको घिमिरेले बताए । 

अन्तरिम सरकारले अहिले देखिएका समस्या समाधान गरी अगाडि बढ्नुपर्ने बताए । ।