राति पहिरोको जोखिम भएपछि रात्रिबस दिउँसो चलाउन व्यवसायीको माग

आन्तरिक छलफलपछि समस्या समाधान गरिने

मेयरसाप डेस्क

काठमाडौं । राति पहिरोको जोखिम बढेपछि यातायात व्यवसायीहरूले रात्रिबस दिउँसो चलाउन माग गरेका छन्। भौतिक पूर्वाधार तथा यातायात मन्त्रालयमा शनिवार बसेको बैठकमा व्यवसायीहरुले मन्त्री कुलमान घिसिङसँग यस्तो माग गरेका हुन् । 

बैठकमा नेपाल यातायात व्यवसायी राष्ट्रिय महासङ्घका अध्यक्ष विजयबहादुर स्वाँरले रातको समयमा पनि पहिरो गएका कारण रात्रि बसलाई दिउँसो चलाउन माग गरेका हुन्। 

उनले भने, ‘हिजोदेखि बाटोको अवस्था एकदमै नाजुक बनेको छ । ४/५ घण्टासम्म बाटो अवरुद्ध हुन थालेको छ । बर्खाको बेला छ रातिमा पहिरो गइरहेको छ । रातिभन्दा दिउँसो नै बस चलाउनु उपयुक्त हो कि ?’

बैठकमा मन्त्री कुलमान घिसिङले चाडपर्वमा यातायात सहज बनाउन कसरी फास्ट ट्रयाकमा काम गर्ने भनेर आन्तरिक छलफलपछि समस्या समाधान गरिने बताए ।