बुटवल–नारायणघाट सडकको दाउन्ने खण्डमा दशैंभर ठूला सवारी सञ्चालनमा रोक

मेयरसाप डेस्क

काठमाडौं। बुटवल–नारायणघाट सडकअन्तर्गत दाउन्ने खण्डमा दशैंभर ठूला सवारी साधन सञ्चालनमा रोक लगाइने भएको छ । शनिबार भौतिक, पूर्वाधार तथा यातायात मन्त्रालयमा भएको छलफलमा उक्त सडकखण्डमा दशैंभर १२ चक्के ठूला भारवाहन सवारी साधन सञ्चालन गर्न रोक लगाउने निर्णय भएको हो ।

दशैंको अवधिभर यात्रुबाहक सवारीहरूको चाप बढ्ने भएकाले ठूला भारवाहन सवारी साधनलाई रोक लगाउने निर्णय भएको बताइएको छ । त्यसका लागि सम्बन्धित पक्षलाई आग्रह गर्ने निर्णय भएको मन्त्रालयले जनाएको छ । खाद्यान्न लगायतका अत्यावश्यक सामाग्रीहरू ढुवानी गर्ने सवारी साधनलाई भने नरोकिने भएको छ ।