जेनजी आन्दोलनमा मैले गोली चलाउन कुनै निर्देशन दिइनँ : ओली

मेयरसाप डेस्क

काठमाडौं । नेकपा एमालेका अध्यक्ष केपी शर्मा ओलीले जेनजी आन्दोलनका क्रममा आफूले गोली चलाउन कुनै निर्देशन नदिएको स्पष्ट पारेका छन् । सत्ताच्युत भएपछि पहिलो सार्वजनिक कार्यक्रमलाई सम्बोधन गर्दै उनले आफू देशमा रक्तपात नहोस् भन्ने पक्षमा रहेको दाबी गरेका छन् ।

ओलीले आन्दोलनमा कुनै क्षति नहोस् भन्ने पक्षमा रहे पनि १६ जनाको मृत्यु भएको सुनेपछि टाउकामा गोली लागेकोबारे आफूले सुरक्षाकर्मीलाई प्रश्न गरेको बताए । उनले सुरक्षाकर्मीले खुट्टा मुनि गोली हान्नुपर्नेमा टाउकोमा लागेकोमा आश्चर्य व्यक्त गरे ।

देशमा उपद्रो मच्चाउनेहरूले गोली चलाउनमा केपी ओली दोषी भन्दै भ्रम फैलाएको उनको दाबी छ । ओलीले यस घटनाबारे सरकारले गठन गरेको आयोगको प्रतिवेदन पर्खिनुपर्ने बताए ।