सिन्धुलीमा मोटरसाइकल दु*र्घटना हुँदा ३ जना घाइते

मेयरसाप डेस्क

काभ्रे । सिन्धुलीको दुधौली नगरपालिका–५, ठाकुर खोलापुल नजिकै आज मादक पदार्थ सेवन गरी तीव्र गतिमा चलाइएको मोटरसाइकल (ग ८ प २७४५) सडकको रेलिङमा ठोक्किँदा तीन जना घाइते भएका छन् ।

जिल्ला प्रहरी कार्यालय सिन्धुलीका प्रमुख लालध्वज सुवेदीका अनुसार मदन भन्डारी राजमार्गमा सिर्थौलीबाट डकाहातर्फ जाँदै गरेको मोटरसाइकल आफैँ अनियन्त्रित भई दुर्घटना भएको हो । घाइतेमध्ये दुई जनाको अवस्था गम्भीर छ ।

गम्भीर घाइते हुनेमा दुधौली–१ का किरण धामी र जीवन धामी रहेका छन् । प्रहरीका अनुसार गम्भीर घाइतेमध्ये किरणको पेट र हिप तथा जीवनको पेट फुटेको छ । सामान्य घाइते ३२ वर्षीय क्षितिज धामी लाई दायाँ हातमा चोट लागेको छ ।

प्रहरीले घाइतेहरूको उद्धार गरी दुधौलीको नगर अस्पताल सिर्थौलीमा सामान्य उपचारपछि थप उपचारका लागि विराटनगर रिफर गरेको छ ।