सप्तरीमा छुट्टाछुट्टै दुर्घटनामा तीन जनाको मृ*त्यु

User Image मेयरसाप डेस्क | २०८२ असोज १८ गते २३:१४
Image of https://mayorsap.com/storage/photos/10/68e0ce8d10a9e.jpg

राजविराज । सप्तरीमा आज भएका छुट्टाछुट्टै सवारी दुर्घटनामा परी तीन जनाको ज्यान गएको छ ।

हुलाकी सडक खण्डअन्तर्गत खड्क नगरपालिका–११, बनौलीमा दुईवटा मोटरसाइकल एकापसमा ठोक्किएर दुर्घटना हुँदा दुवै चालकको मृत्यु भएको छ ।

जिल्ला प्रहरी कार्यालयका प्रहरी नायब उपरीक्षक डम्बरबहादुर पुरीका अनुसार मृत्यु हुनेमा खड्क नगरपालिका–१०, बेल्हाका २८ वर्षीय चिन्तामणि चौधरी र सुरुङगा नगरपालिका–७ बस्ने २७ वर्षीय सोविन चौधरी रहेका छन् ।

यस्तै, जिल्लाको तिरहुत गाउँपालिका–१, धनपुरीमा हायसको ठक्करबाट एक वृद्धाको ज्यान गएको छ ।

काठमाडौँबाट धरानतर्फ जाँदै गरेको बा प्र०३–००१ ख २५८२ नं हायसले बाटो काटिरहेकी स्थानीय ७० वर्षीया जगियादेवी पञ्जियारलाई ठक्कर दिँदा उनको मृत्यु भएको इलाका प्रहरी कार्यालय कञ्चनपुरले जनाएको छ ।

दुर्घटनापछि हायस र चालक मदन श्रेष्ठ लाई प्रहरीले नियन्त्रणमा लिएको छ ।


Facebook Comments