जेन–जी आन्दोलनका क्रममा लुटिएको राइफल फेला
मेयरसाप डेस्क
|
२०८२ असोज २६ गते १९:४१
काठमाडौं । झापाको दमक नगरपालिका–५, धनेश्वर मन्दिर नजिकै आइतबार बिहान बेवारिसे अवस्थामा एउटा .३०३ मार्क राइफल फेला परेको छ ।
स्थानीय बासिन्दाको सूचनाका आधारमा इलाका प्रहरी कार्यालय (इप्रका) दमकको टोली घटनास्थल पुगेको थियो ।
प्रहरीले जाँच गर्दा उक्त हतियार गत भदौ २४ गते जेनजी आन्दोलनका क्रममा इप्रका दमकबाट लुटिएको .३०३ मार्क–३ राइफल भएको पुष्टि भएको छ ।
म्यागजिनसहित बरामद गरिएको राइफललाई प्रहरीले फिर्ता लिएर इप्रका दमकमा सुरक्षित राखेको जनाएको छ ।
घटनाबारे प्रहरीले थप अनुसन्धान गरिरहेको छ ।
Facebook Comments