थाइ एसिया एयरको बैंकक–भैरहवा उडान पुनः सुरु
मेयरसाप डेस्क
|
२०८२ कार्तिक ९ गते १५:२९
भैरहवा । थाइ एसिया एयरले आज (आइतबार) देखि बैंकक–भैरहवा–बैंकक मार्गमा आफ्नो उडान पुनः सुरु गरेको छ ।
गौतमबुद्ध अन्तर्राष्ट्रिय विमानस्थलका सूचना अधिकारी विनोदसिंह रावतका अनुसार, आज दिउँसो सवा १२ बजे बैंककबाट एयरबस ३२० विमान १७ जना यात्रु लिएर भैरहवामा अवतरण गरेको थियो ।
विमान भैरहवाबाट १६२ जना यात्रु बोकेर दिउँसो १ः१५ बजे बैंककका लागि पुनः उडेको थियो ।
एयरलाइनले यो मार्गमा हप्तामा दुई पटक उडान गर्नेछ । एयरलाइनले प्रत्येक साता आइतबार र बुधबारका लागि नियमित उडानको अनुमति पाएको छ ।
Facebook Comments