अमरेश कुमारको घुर्की–बालेन प्रधानमन्त्री बनेनन् भने म जनकपुरमै आत्म*दाह गर्छु
मेयरसाप डेस्क
|
२०८२ माघ ५ गते १६:१७
काठमाडौं। राष्ट्रिय स्वतन्त्र पार्टी (रास्वपा) मा सामेल भएका निवर्तमान संघीय सांसद अमरेश कुमार सिंहले बालेन शाह प्रधानमन्त्री बन्नुपर्ने बताएका छन् । जनकपुरमा सोमबार आयोजित उद्घोष सभालाई सम्बोधन गर्दै सिंहले बालेन प्रधानमन्त्री नबने आफूले आत्मदाह गर्ने घोषणा समेत गरे ।
उनले भने, ‘हामी सीता माताका सन्तान हौं । सीता माता यही धर्तीमा समाहित भएकी थिइन् । बालेन प्रधानमन्त्री भएनन् भने म जनकपुरको धर्तीमा समाहित हुनेछु । म जनकपुरको रणभूमिमा आत्मदाह गर्नेछु ।’
उनले बालेन यो देशको ‘महानायक’ रहेको दाबी गर्दै बालेनकै नेतृत्वमा अब मधेसले न्याय पाउने जिकिर गरे । उनले मञ्चबाट आफ्नो गम्छा फिँजाउँदै भने, ‘मधेसको छोरालाई प्रधानमन्त्री बनाउन मधेसी जनतासामु भिख माग्दैछु ।’
Facebook Comments