मतदानकाे दिन बालेन, गगन र प्रचण्डलाई दिइएकाे छ 'हेलिकप्टर चढ्ने अनुमति'
मेयरसाप डेस्क
|
२०८२ फागुन २१ गते १२:५०
काठमाण्डौ । निर्वाचन आयोगले मतदानको दिन तीन नेतालाई हेलिकप्टर चढ्ने अनुमति दिएको जनाएकाे छ।
आयोगका अनुसार नेपाली कांग्रेसका सभापति गगन थापा, राष्ट्रिय स्वतन्त्र पार्टीका वरिष्ठ नेता बालेन शाह र नेपाली कम्युनिस्ट पार्टीका संयोजक पुष्पकमल दाहाल प्रचण्डलाई हेलिकप्टर प्रयोग गर्न बुधवार अनुमति दिइएकाे हाे।
गाडी प्रयोगको हकमा जिल्लाबाट नेताहरूले अनुमति लिनुपर्छ भने हेलिकप्टर प्रयोग गर्न निर्वाचन आायोगबाट अनुमति लिनुपर्छ ।
प्रचण्ड चितवनका मतदाता हुन् भने बालेन र गगन थापा काठमाण्डूका मतदाता हुन्। तीनै जनाले आफ्नो जिल्लाबाहिर प्रतिस्पर्धामा छन्।
Facebook Comments