वर्षा र बाढीले इनरुवा, धरान र दुहबी पालिकामा १५ करोडको क्षति
Mayorsap | ७ महिना अगाडि 
सुनसरी, कात्तिक २ । हालैको बाढीबाट इनरुवा, धरान र दुहबी पालिकामा १५ करोड रुपैयाँ बराबरको क्षति भएको छ ।
धरान उपमहानगरपालिकामा १३ करोड पाँच लाख रुपैयाँ र दुहबी नगरपालिकामा एक करोड २० लाख रुपैयाँ र बाँकी इनरुवा पालिकामा गरी १५ करोड रुपैयाँ रकम बराबरको क्षति भएको जिल्ला प्रशासन कार्यालयले जनाएको छ ।
धरानमा सडक, पुल र एक विद्यालय भवनमा, दुहबी नगरपालिकाका सातवटा विद्यालयमा तथा इनरुवा नगरपालिकामा पाँच बिघामा लगाएको बाली नोक्सान भएको प्रमुख जिल्ला अधिकारी रामचन्द्र तिवारीले बताउनुभयो । इनरुवामा दुई बिघामा गरिएको सागसब्जी तथा केराखेतीमा पनि क्षति भएको छ ।
