काठमाडौं महानगरले माग्यो करार कर्मचारी (सूचनासहित)
Mayorsap | ६ महिना अगाडि 
काठमाडौं, कात्तिक ७: काठमाडौं महानगरपालिकाले करार कर्मचारी माग गरेको छ । बुधबार महानगरले १०८ जना करारमा पदपुर्ति गर्नको लागी सुचना प्रकाशित गरेको हो ।
महानगरले प्रकाशित गरेको सूचनामा लोकसेवा आयोगबाट सिफारिस भएर नआउँदासम्म असार मसान्तसम्मका लागि करारमा कर्मचारी माग गरिएको छ ।
महानगरले आठौँ तहको मेडिकल अधिकृत ४ जना, पाँचौँ तहको ल्याब टेक्निसियन २९ जना, पाँचौँ तहको फिजियोथेरापी असिस्टेन्ट ३२ जना, पाँचौँ तहको स्टाफ नर्स ५ जना मागेको छ ।
यस्तै फार्मेसी सहायक १० जना, रेडियोग्राफर र तथ्यांक सहायक १/१ जना माग गरेको छ । श्रेणीविहीन २६ जना कार्यालय सहयोगी माग गरेको छ ।
महानगरका अनुसार दरखास्त सूचना प्रकाशित भएको मितिले १५ दिनभित्र दिन सकिने छ ।
