शपथ खाएर झुटो बोलेको भन्दै सिंगापुरका सांसदलाई १४ हजार डलर जरिवाना
Mayorsap | ३ महिना अगाडि 
सिंगापुर । सिंगापुरका विपक्षी नेता प्रितम सिंहलाई झुटो बोलेको आरोपमा दोषी ठहर गरेको छ । संसदीय समितिमा शपथ ग्रहण गरेर पनि झुटो बोलेको भन्दै उनलाई १४ हजार सिंगापुर डलर जरिवाना गरिएको छ ।
तर, सिंगापुरका भारतीय मूलका सांसद उनी जेल र अझ कडा जरिवानाबाट बच्न सफल भएका छन । सिंगापुरको संविधानमा वर्तमान सांसद रहेसम्म कम्तिमा एक वर्ष जेल वा कम्तीमा १० हजार डलर जरिवाना हुन सक्ने उल्लेख छ। त्यसपछि प्रमाणित भएमा उनले आफ्नो सीट गुमाउने छन् भने बाँकी जीवनमा चुनाव लड्न पनि अयोग्य हुनेछन् । त्यसैले सिंगापुरका सांसदहरू यो कठोर सजायबाट जोगिनका लागि कमै मात्रै झूट बोल्छन् ।
सिंगापुरको निर्वाचन विभागले सिंहलाई लगाइएको सजायले उनलाई सांसदको रूपमा अयोग्य ठहराउने स्तरमा नपुगेको भने जनाएको छ । अब उनी अर्को चुनाव लड्न सक्छन् । ४८ वर्षीय सिंहलाई वर्कर्स पार्टीका पूर्व सांसद रईस खानको आचरणको छानबिन गर्ने संसदीय समितिको अगाडि झुटा बयानको आरोपमा दोषी ठहर गरिएको थियो । जसले यौन दुर्व्यवहार पीडितलाई प्रहरी चौकीमा साथ दिने झुटो बयान दिन लगाएको स्वीकार गरेका थिए, जसको चार महिनाअघि नै सुनुवाइ सुरु भएको थियो ।
