इजरायली हमलामा मारिए हमासका प्रवक्ता
Mayorsap | एक महिना अगाडि 
गाजा । उत्तरी गाजामा इजरायली हवाई हमलामा हमासका प्रवक्ता मारिएका छन् । इजरायली सेनाले घेरामा परेको एन्क्लेभमा नयाँ आक्रमण जारी राख्ने क्रममा उनी मारिएका हुन् । इजरायली लडाकु विमानहरूले बिहीबार बिहान उत्तरी शहर जबलियामा उनको पाल आश्रयमा बमबारी गर्दा हमासका प्रवक्ता अब्देल लतीफ अल कानौवा मारिएको अल अक्सा टेलिभिजन र शेहाब समाचार एजेन्सीले पुष्टि गरेका छन् । सो क्रममा केटाकेटीहरूसहित धेरै व्यक्ति घाइते भएका छन् ।
यो आक्रमण हालैका घण्टाहरूमा इजरायली सेनाले गाजापट्टीभरि गरेको धेरै मध्ये एक हो, जसमा गाजा शहरको अस–सफतावी क्षेत्रमा एउटा घरमा हमलासहित एकै परिवारका ६ जना सदस्यको मृत्यु भएको थियो ।
गत मार्च १८ मा, इजरायलले अचानक एक कमजोर दुई महिनाको युद्धविराम समाप्त गरेका थियो । यसपछि गाजामा आफ्नो तीव्र बमबारी अभियान र भूमिगत कार्यहरू पुनः सुरु गरेको छ । इजरायलले युद्धग्रस्त एन्क्लेभमा राखिएका बाँकी बन्दीहरूलाई मुक्त गर्न हमासलाई दबाब दिने प्रयासमा सयौं प्यालेस्टिनी नागरिकहरूलाई मारिरहेको अलजजिराले जनाएको छ।
