चर्चित अभिनेता सागर साइबर ठगीको सिकार, ६१ लाख भारु गुमाए
Mayorsap | एक महिना अगाडि 
एजेन्सी । मराठी उद्योगका चर्चित अभिनेता सागर कारंडे साइबर ठगीको सिकार भएका छन् । सागरले अनलाइन ठगीमा ६१.८३ लाख भारतीय रुपैयाँ गुमाएका हुन् ।
सामाजिक सञ्जालमा पैसा कमाउने लोभमा नयाँ प्रविधिबाट यो ठगी गरिएको हो । खासमा एक अज्ञात महिलाले अभिनेतालाई इन्स्टाग्राममा ठगी गरेर उनको खाताबाट लाखौं रुपैयाँ चोरी गरेकी छन् ।
मराठी अभिनेता सागर कारंडेलाई उनको व्हाट्सएपमा अज्ञात नम्बरबाट सन्देश प्राप्त भयो। यो सन्देशपछि उनले आफूलाई महिला भएको बताइन् । ती महिलाले अभिनेतालाई ह्वाट्सएपमा इन्स्टाग्राम लिङ्क पठाए र हरेक पोस्टलाई लाइक गरेबापत १५० करोड रुपैयाँ कमाउन सकिने बताएकी थिइन् । यो देखेर अभिनेताले महिलाको सल्लाह माने र महिलाले भने अनुसार गर्न थाले।
यो घटनापछि अभिनेताले इन्स्टाग्राममा एकपछि अर्को धेरै पोस्ट लाइक गरेका थिए । तर, त्यो बेला उनको होश गुम्यो, जुन बेला उनको खाताबाट एकै पटक ११ हजार रुपैयाँको १० वटा कारोबार भएको देखियो ।
त्यसपछि उनले पुनः २७ लाख रुपैयाँ निकाले र काम सकिएपछि मात्रै सबै रकम निकाल्न सक्ने बताए । पछि ठगले कलाकारलाई करसहित १९ लाख रुपैयाँ लगानी गर्न भनेका थिए । केही समय नबित्दै सागरले ६१ लाख ८३ हजार रुपैयाँ तिरेका थिए तर त्यो पैसा फिर्ता आएन ।
यति धेरै पैसा गुमाएपछि अभिनेताले प्रहरीमा उजुरी दिएका थिए । त्यसपछि उनीहरुले पैसा अन्य खातामा पठाएको थाहा पाए । हाल यस विषयमा अनुसन्धान भइरहेको छ । खासमा सागर मराठी फिल्म क्षेत्रका हाँस्य कलाकार हुन् । उनले ‘फु बाई फु’ मा आफ्नो कमेडीबाट धेरै नाम कमाएका छन् ।
