रवि लामिछानेलाई थुनामा पठाउने उच्च अदालतको आदेशविरुद्ध सर्वोच्चमा रिट दर्ता
मेयरसाप डेस्क | २ महिना अगाडि 
काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेलाई थुनामा पठाउने उच्च अदालत तुलसीपुरको आदेशविरुद्ध सर्वोच्च अदालतमा रिट निवेदन दर्ता भएको छ ।
शुक्रबार लामिछानेकी पत्नी निकिता पौडेल, रास्वपाकी नेता प्रतिभा रावललगायतले सर्वोच्चमा रिट निवेदन दिएका हुन् ।
यसअघि सुप्रिम सहकारी ठगी र संगठित अपराध मुद्दामा एक करोड रुपैयाँ धरौटीमा छाड्ने जिल्ला अदालत रुपन्देहीको आदेशलाई उच्च अदालत तुलसीपुर बुटवल इजलासले उल्टाउँदै थुनामा पठाउने आदेश गरेको थियो । उच्च अदालतको आदेश अनुसार पक्राउ परेका लामिछाने अहिले थुनामा छन् ।
