विराटनगर । दमक नगरपालिकाका जनप्रतिनिधि र कर्मचारी सवार स्कारपियो गाडी उदयपुरको कटारीमा दुर्घटना भएको छ । चितवनबाट मकवानपुर हुँदै झापा तर्फ जाँदै  गरेको मे. १ च ३०४० नम्बरको स्कारपियो गाडी बिहीबार मदन भण्डारी लोकमार्गको उदयपुरको कटारी नगरपालिका–६ सोमबारे खण्डमा दुर्घटना भएको हो ।दुर्घटनामा दमक नगरपालिकाका कानून अधिकृत माधव बस्नेतको मृत्यु भएको प्रहरीले जनाएको छ । ​​​​​​​मृतक बस्नेत दमक–३ का स्थायी बासिन्दा हुन् ।  यस्तै दुर्घटनामा ६ जना घाइते भएका छन् । 
 

घाइते हुनेमा वडा नम्बर १० का अध्यक्ष राजेन्द्र भण्डारी, ६ का वडा सदस्य कमल श्रेष्ठ, नगरपालिकाकै सवारी चालक ३८ वर्षीय देवेन्द्र तामाङ, १ निवासी ४५ वर्षीय ज्ञानेन्द्र गौतम, २ का ३८ वर्षीय नवीन खतिवडा र गौरादह नगरपालिका( १ का ५४ वर्षीय भुवन दाहाल घाइते भएका छन् । उनीहरूको प्रादेशिक अस्पताल कटारी उदयपुरमा उपचार भइरहेको छ । स्कारपियो अनियन्त्रित भई सडक किनाराको फलामको ट्रष्ट बेरियरमा ठोक्किएको प्रहरीले जनाएको छ ।