रवि लामिछानेको मुद्दामा मिसिल झिकाउन उच्चको आदेश
Mayorsap | ३ दिन अगाडि 
काठमाडौं । उच्च अदालत पोखराले राष्ट्रिय स्वतन्त्र पार्टीका सभापति रवि लामिछानेविरुद्धको सहकारी ठगीसम्बन्धी मुद्दामा कास्की जिल्ला अदालतबाट मिसिल झिकाउन आदेश दिएको छ ।
मुख्य न्यायाधीश डा. रत्नबहादुर बागचन्द र न्यायाधीश मिलनकुमार राईको इजलासले आइतबार उक्त आदेश जारी गरेको हो । लामिछाने पक्षले आफूहरूलाई थाहै नदिई सुनुवाइ अघि बढाइएको भन्दै आपत्ति जनाएपछि इजलासले मिसिल माग गरेको हो ।
यसअघि कास्की जिल्ला अदालतले लामिछानेलाई ६५ लाख धरौटीमा तारेखमा छाड्ने आदेश दिएको थियो । सो आदेशविरुद्ध दुवै पक्षले उच्च अदालतमा पुनरावेदन दिएका थिए ।
लामिछानेले सामान्य तारेखमा रिहाको माग गरेका छन् भने सरकारी वकिल कार्यालयले थुनामै राख्नुपर्ने माग गर्दै सुनुवाइ अघि बढाएको छ ।
.png)
