डडेल्धुरामा हावाहुरीले रुख ढल्दा एक महिलाको मृत्यु
Mayorsap | ८ घण्टा अगाडि 
डडेल्धुरा । डडेल्धुराको आलिताल गाउँपालिका–६ दोबाटामा बुधवार बिहान आएको हावाहुरीले सल्लाको रुख ढल्दा एक महिलाको ज्यान गएको छ ।
स्थानीयका अनुसार बिहान करिब ६ बजेतिर रुख घरमाथिबाट ढलेर खसेपछि २७ वर्षीया रविना कामीको घटनास्थलमै मृत्यु भएको हो । सोही घटनामा उनकी सासू राधा कामी गम्भीर घाइते भएकी छन् ।
हावाहुरीले घर पूर्णरूपमा क्षतिग्रस्त बनाएको छ । राधा कामीको कम्मर र टाउकोमा चोट लागेको बताइएको छ ।
मृतक रविनाका एक छोरा र एक छोरी छन् । घटनाबारे अनुसन्धान अघि बढाइएको जिल्ला प्रहरी कार्यालय डडेल्धुराले जनाएको छ ।
.png)
