एकै पटक राप्रपाका तीन जना सांसदको पीएसओ फिर्ता
Mayorsap | एक दिन अगाडि 
काठमाडौं । राष्ट्रिय प्रजातन्त्र पार्टी (राप्रपा) का तीन जना सांसदहरूका पिएसओ (पर्सनल सेक्युरिटी अफिसर) एकै पटक फिर्ता भएका छन्।
सरकारले बुधवार राप्रपाका प्रमुख सचेतक ज्ञानेन्द्र शाही, सांसदहरू ध्रुवबहादुर प्रधान र दीपक सिंहको पीएसओलाई फिर्ता बोलाएको हो ।
राप्रपाका प्रमुख सचेतक ज्ञानेन्द्र शाहीले पीएसओ खोसिएको बताएका छन् । शाही राप्रपाका प्रमुख सचेतक, सिंह पूर्वाधार विकास समिति र प्रधान पूर्वआइजीपी रहेकोले उनीहरूलाई सरकारले पीएसओ उपलब्ध गराउँदै आएको थियो ।
नियमित ब्रिफिङका लागि सांसदहरुको सुरक्षामा खटिएका पिएसओहरुलाई बोलाएको प्रहरीले जनाएको छ ।
