कान्तिलोकपथ चार दिन पूर्ण रुपमा बन्द हुने
मेयरसाप डेस्क | एक दिन अगाडि 
काठमाडौं । काठमाडौंलाई हेटौंडासँग जोड्ने कान्तिलोकपथ चार दिन पूर्ण रुपमा बन्द हुने भएको छ । बागमती खोलामा निर्माणाधीन बेलिब्रिजको जडान कार्यका लागि सडक बन्द गर्न लागिएको हो ।
जिल्ला प्रशासन कार्यालय मकवानपुरले सूचना जारी गर्दै जेठ २१ गतेदेखि २४ गतेसम्म सडक पूर्ण रुपमा बन्द हुने जानकारी गराएको छ । यस अवधिमा हेटौंडाबाट काठमाडौं जाने र काठमाडौंबाट हेटौंडा जाने सवारी साधनलाई वैकल्पिक मार्गहरु प्रयोग गर्न सुझाव दिइएको छ ।
कान्तिलोकपथको वैकल्पिक मार्गका रुपमा कुलेखान–कलंकी–हुमाने वा कुलेखानी–सिस्नेरीफर्पिङ सडक प्रयोग गर्न सकिनेछ ।
