त्रिकोणात्मक टी–२० सिरिजः आज स्कटल्यान्डसँग खेल्दै नेपाल
मेयरसाप डेस्क | २ हप्ता अगाडि 
काठमाडौं । त्रिकोणात्मक टी–२० सिरिजमा आज नेपालले आयोजक स्कटल्यान्डसँग खेल्दैछ। खेल शुक्रबार शुक्रबार साँझ ७ः४५ बजेदेखि सुरु हुनेछ। तीन खेलमा दुई जित र एक हारको सामना गर्दै शीर्ष स्थानमा उक्लिएको नेपाल आज स्कटल्यान्डलाई हराउँदै सिरिज उचाल्ने लक्ष्यका साथ मैदानमा उत्रनेछ ।
अन्तिम खेल बाँकी हुँदा नेपाल र नेदरल्यान्डसको समान चार अंक भए पनि नेपाल रनरेटका आधारमा शीर्ष स्थानमा छ। नेदरल्यान्डस दोस्रो स्थानमा छ भने तीनमा दुई खेलमा पराजित भएको स्कटल्यान्ड दुई अंकसहित तालिकाको पुछारमा छ।
सिरिजको उद्घाटन खेलमा आइतबार आयोजक स्कटल्यान्डले नेदरल्यान्ड्सलाई ३९ रनले हराएको थियो। दोस्रो खेलमा नेदरल्यान्ड्सले नेपाललाई तेस्रो सुपर ओभरमा हरायो। तेस्रो खेलमा नेपालले आयोजक स्कटल्यान्डलाई दुई विकेटले हरायो भने चौथो खेलमा नेदरल्यान्ड्सले स्कटल्यान्डलाई १७ रनले पराजित गर्यो।
पाँचौ खेलमा नेदरल्यान्ड्सलाई ६ विकेटले हराउँदै नेपाल तालिकाको शीर्ष स्थानमा पुगेको हो। तीन टोलीबिच लिग–२ को सिरिजपछि टी–२० सिरिज भएको हो।
