मस्कले फेरि लगाए ट्रम्पमाथि यौ*न शोषणको आरोप, 'एपस्टेन' फाइल सर्वाजनिक गर्न माग

मेयरसाप डेस्क | १३ घण्टा अगाडि

काठमाडौं ।  टेस्लाका सीईओ एलन मस्कले अमेरिकी राष्ट्रपति डोनाल्ड ट्रम्पले जेफ्री एपस्टेनको फाइल गोप्य राखेको पुनः आरोप लगाएका छन् ।हालै अमेरिकन पार्टी खोलेका मस्कले यी फाइलहरू सार्वजनिक गर्नु उनको पार्टीको प्राथमिकता भएकोसमेत जानकारी दिएका छन् ।

मस्कले मंगलबार एक्समा लेखेका थिए, ‘ट्रम्पले एपस्टेनका फाइलहरू रिलिज गरेनन् भने मानिसहरूले उनीमाथि कसरी विश्वास गर्ने ?’ । त्यहाँ एकजनाले कमेन्ट गर्दै के यो मुद्दा तपाईँको पार्टीको लागि महत्त्वपूर्ण छ भनेर सोधेका थिए । त्यसमा मस्कले सय प्रतिशत भन्दै जवाफ दिएका छन् ।

जेफ्री एपस्टेन मुद्दा नाबालिग केटीहरूको यौन शोषणसँग सम्बन्धित छ, जसमा धेरै उच्च प्रोफाइल व्यक्तिहरूको नाम बाहिर आएको थियो। मस्कले यसअघि जुन ५ मा जेफ्री एपस्टेनको फाइलमा डोनाल्ड ट्रम्पको नाम समावेश भएको सनसनीपूर्ण दाबी गरेका थिए।

मस्कले एक्समा लेखेका थिए, ‘अब ठूलो खुलासा गर्ने समय हो। डोनाल्ड ट्रम्पको नाम एपस्टेन फाइलहरूमा छ। उनीहरुलाई सार्वजनिक नगर्नुको कारण यही हो । डोनाल्ड ट्रम्प, शुभ दिन।’

उनले अर्को पोस्टमा लेखे, ‘भविष्यको लागि यो पोस्ट नोट गर्नुहोस् । सत्यतथ्य बाहिर आउनेछ ।’ यद्यपि, मस्कले पछि त्यो पोस्ट हटाए र आफूले धेरै बोलेको स्वीकार गरेका थिए ।

जेफ्री एपस्टेन पहिलो पटक २००६ मा पाम बीच, फ्लोरिडाबाट गिरफ्तारमा परेका थिए । एपस्टेनलाई वेश्यावृत्ति र एक नाबालिग माथी यौन दुर्ब्याबहारमा दोषी ठहराइएको थियो। तर, केही बार्गेनिङ पछि उनले १३ महिनाको मात्रै हिरासत पाए, काममा रिहा गर्न अनुमति दिए। 

 तर, भर्जिनिया गिफ्रे नामकी एक महिलाले सन् २००९ मा आरोप लगाएकी थिइन् कि एपस्टेनले आफू नाबालिग छँदा यौन बेचबिखनमा जबरजस्ती गरेको थियो। नाबालिगहरूको यौन तस्करीको आरोपमा एपस्टेनलाई २०१९ मा फेरि पक्राउ गरिएको थियो। यो गिफ्रेले एप्स्टीन विरुद्ध अदालतमा गवाही दिएकी थिइन्।

एपस्टेनलाई वेश्यावृत्तिको सञ्जाल चलाउने र ठूलो संख्यामा महिलाको यौन दुर्व्यवहार र मानव बेचबिखनको आरोपमा दोषी ठहर गरिएको थियो। उनको जेलमा नै रहस्यमय तरिकाले मृत्यु भएको थियो ।