न्याय परिषद्द्वारा २७ जना उच्च अदालतका न्यायाधीश नियुक्त
मेयरसाप डेस्क | ६ घण्टा अगाडि 
काठमाडौं । न्याय परिषद्को बैठकले उच्च अदालतका लागि २७ जना न्यायाधीश नियुक्त गरी पदस्थापन गरेको छ । यस नियुक्तिमा जिल्ला न्यायाधीश, सरकारी वकील, कानुन व्यवसायी र उच्च पदस्थ कर्मचारीहरू समावेश छन् ।
नियुक्त हुनेहरूमा न्याय परिषद्का सचिव यमबहादुर बुढामगरलाई उच्च अदालत सुर्खेत (जुम्ला इजलास) र धादिङका जिल्ला न्यायाधीश गोपालप्रसाद बाँस्तोलालाई उच्च अदालत पाटनमा पठाइएको छ ।
यस्तै, ओखलढुङ्गाका जिल्ला न्यायाधीश गिरीराज गौतमलाई उच्च अदालत दिपायल महेन्द्रनगर इजलासमा पदस्थापन गरिएको छ ।
अन्य जिल्ला न्यायाधीशहरू जस्तै, गुल्मीका युवराज गौतम, दाङका तेजनारायण पौडेल, पर्वतका प्रकाश ढुङ्गाना, उदयपुरका दीपककुमार खरेल, गोरखाका शिवबहादुर रानाभाट, काठमाडौंका कमलप्रसाद पोखरेल लगायतलाई पनि विभिन्न उच्च अदालतहरूमा नियुक्त गरिएको छ ।
यसैगरी, कानुन व्यवसायीबाट पनि विभिन्न व्यक्तिहरूलाई न्यायाधीशमा नियुक्त गरिएको छ, जसमा शर्मिला थापा विष्ट, प्रतापसिंह ठकुराठी, बालकृष्ण गैरे, निशा बानियाँ, श्यामकुमार विश्वकर्मा र अरुणकुमार पंजियार रहेका छन् ।
सर्वोच्च अदालतका रजिस्ट्रार अच्युत कुइँकेललाई पनि उच्च अदालत पाटनमा नियुक्त गरिएको छ ।
Facebook Comments