टी–२० सिरिज : आसाममाथि नेपाल ‘ए’ को फराकिलो जित

User Image मेयरसाप डेस्क | एक घण्टा अगाडि
Image of https://mayorsap.com/storage/photos/10/68b175dc05d50.jpg

काठमाडौं । भारतको गुवाहाटीमा जारी टी–२० सिरिजको दोस्रो खेलमा नेपाल ए ले आसाममाथि ९६ रनको फराकिलो जित हासिल गरेको छ ।

स्पिनरद्वय युवराज खत्री र बसिर अहमदको उत्कृष्ट प्रदर्शनमा नेपालले यो जित दर्ता गरेको हो ।

नेपालले दिएको १७४ रनको लक्ष्य पछ्याएको आसामको टोली १५.२ ओभरमा ७७ रनमै अलआउट भयो। आसामका लागि रुहिनन्दन पेगुले सर्वाधिक १७ रन बनाए ।

नेपाल ए को बलिङमा युवराज खत्रीले ४ विकेट लिए भने बसिर अहमदले ३ विकेट लिए । कमलसिंह ऐरी, आकाश चन्द र विवेक यादवले १–१ विकेट हात पारे ।

त्यसअघि, टस जितेर पहिले ब्याटिङ गरेको नेपाल ए ले निर्धारित २० ओभरमा ७ विकेट गुमाएर १७३ रन बनाएको थियो । 

नेपालका लागि सन्दीप जोराले सर्वाधिक ३५ रन बनाए। देव खनाल र पवन सर्राफले समान ३१ रनको योगदान दिए ।

पाँच खेलको यस सिरिजको पहिलो खेलमा नेपाल ए डीएल पद्धतिअनुसार १५ रनले पराजित भएको थियो । अब बाँकी तीन खेलहरू फ्लडलाइटमा खेलिनेछन् ।


Facebook Comments