‘ओली राष्ट्रवादी नेता भएकाले चारैतिरबाट प्रहार भइरहेको छ’

मेयरसाप डेस्क

काठमाडौं । नेकपा एमालेका सांसद पदम गिरीले प्रधानमन्त्री केपी शर्मा ओली राष्ट्रवादी नेता भएकै कारणले चारैतिरबाट प्रहार भएको बताएका छन् ।

प्रतिनिधि सभाको बैठकमा बोल्दै सांसद गिरीले मुलुकको समृद्धिको नेतृत्व गर्नसक्ने उच्च कदका नेता ओली मात्रै रहेको दाबी गरे ।

उनले भने, ‘उहाँ राष्ट्रवादी र देशभक्त हुनुहुन्छ। मुलुकको समृद्धिको नेतृत्व गर्नसक्ने एउटा उच्च कद भएको नेतामाथि चारैतिरबाट प्रहार हुनु सामान्य कुरा हो, यसमा चिन्ता मान्नुपर्दैन।’

सांसद गिरीले कांग्रेस र एमाले मिलेर स्थिर सरकार बनेपछि देश विकासको बाटोमा अगाडि बढेको जिकिर गरे ।

अस्थिरता चाहनेहरूले सरकार ढाल्ने प्रयास गरे पनि ती सबै असफल भएको उनको भनाइ छ । सरकारले जनताको हितमा ऐतिहासिक काम गरिरहेको उनी बताउँछन् ।