नगर प्रहरीलाई उपप्रमुख डंगोलको सुझाव–व्यक्तिको नभई संस्थाको प्रतिनिधि भएर काम गर्नुस्

मेयरसाप डेस्क

काठमाडौं। काठमाडौं महानगरपालिकाकी उपप्रमुख सुनिता डंगोलले महानगर प्रहरीलाई व्यक्तिको प्रतिनिधि नभई संस्थाको प्रतिनिधि भएर काम गर्न सुझाव दिएकी छिन् । शनिवार ३३ औँ महानगर प्रहरी दिवसको अवसरमा काठमाडौंमा आयोजित कार्यक्रममा उपप्रमुख डङ्गोलले नगर प्रहरीलाई यस्तो सुझाव दिएकी हुन् । 

उनले महानगर प्रहरी महानगरका प्रमुख बालेन्द्र साहको निर्देशनअनुसार मात्रै चल्ने गरेकोप्रति लक्षित गर्दै यस्तो सुझाव दिएकी हुन् । उनले फिल्डमा खटिँदा व्यक्तिको नभई संस्थाको प्रतिनिधि भएर खटिन आग्रह गरिन् । उनले कानुनी शासनको प्रतिनिधित्व गर्ने कुराको मानक स्थापना गर्न पनि समेत भनेकी छन् ।

उनले काठमाडौँ महानगरपालिकामा सुशासन स्थापना गर्नको लागि उदाहरण बन्नको लागि पनि सबै नगर प्रहरीलाई आग्रह गरिन् ।