अख्तियारले राष्ट्रपतिलाई बुझायो वार्षिक प्रतिवेदन

मेयरसाप डेस्क

काठमाडौं । अख्तियार दुरुपयोग अनुसन्धान आयोगले आफ्नो आर्थिक वर्ष २०८१/०८२ को वार्षिक प्रतिवेदन आज राष्ट्रपति रामचन्द्र पौडेलसमक्ष पेस गरेको छ ।

आइतबार राष्ट्रपति कार्यालयमा आयोजित एक कार्यक्रममा आयोगका प्रमुख आयुक्त प्रेमकुमार राईले नेपालको संविधानको धारा २९४ बमोजिम राष्ट्रपतिलाई प्रतिवेदन बुझाएका हुन् ।

प्रतिवेदनमा आयोगले गत आर्थिक वर्षभरि भ्रष्टाचार नियन्त्रणका लागि गरेका कामहरू, छानबिन गरिएका उजुरीहरूको विवरण, मुद्दा दायर गरिएका घटनाहरू, र भ्रष्टाचार न्यूनीकरणका लागि गरिएका सिफारिसहरू समेटिएको छ ।

प्रतिवेदनमा सार्वजनिक निकायहरूमा देखिएका भ्रष्टाचारका प्रवृत्ति, चुनौतीहरू र भविष्यमा अख्तियारले अवलम्बन गर्ने रणनीतिबारे पनि उल्लेख गरिएको छ ।