नक्कली भुटानी शरणार्थी प्रकरणका आरोपी टोपबहादुर रायमाझी कारागार फर्किए

मेयरसाप डेस्क

काठमाडौं । जेनजीको प्रदर्शनको क्रममा सुन्धारास्थित कारागारबाट निस्केका नक्कली भुटानी शरणार्थी प्रकरणका आरोपी टोपबहादुर रायमाझी कारागार फर्किएका छन् । भदौ २४  गते कारागारबाट निस्केका रायमाझी मंगलबार कारागार फर्किएका हुन् ।

नेपाली नागरिकलाई नक्कली भुटानी शरणार्थी बनाएर अमेरिका लैजाने प्रकरणमा रायमाझीविरुद्ध मुद्दा चलेको थियो । उनी काठमाडौं जिल्ला अदालतको आदेश अनुसार पुर्पक्षमा छन् ।

भदाै २४ गते सुन्धारा काराबारबाट ३३ सय कैदीबन्दी सहित देशभरका कारागारबाट १४ हजार बढी कैदीबन्दी भागेका थिए । आधाजसो कैदीबन्दी अहिले कारागार फर्किसकेको बताइएको छ ।