देश एकैचोटी खरानी भयो, जेन–जीले त्यत्रो घटना कसरी गराए होलान्?

मेयरसाप डेस्क

काठमाडौं । पूर्वराष्ट्रपति विद्यादेवी भण्डारीले भदौ २३–२४ गतेको जेनजी आन्दोलनतर्फ सङ्केत गर्दै देश गम्भीर सङ्कटमा रहेको बताएकी छन् । 

आज पत्रकार भेटघाट कार्यक्रममा उनले भनिन्, ‘एकैदिन एकैचोटी देश खरानी भएको छ, वडा कार्यालयदेखि सिंहदरबारसम्म खरानी भएको छ ।’

भण्डारीले जेनजीले त्यत्रो घटना कसरी गराए होलान् भन्दै यसलाई रहस्यमय घटनाको संज्ञा दिइन् । उनले यसबारेमा नेपाली समाज र नागरिकले गम्भीर छलफल र समीक्षा गर्नुपर्नेमा जोड दिइन् ।

मुलुक सङ्गीन घडीमा रहेको भन्दै उनले शान्ति, स्थिरता र विकासका लागि सामूहिक भावना र सहकार्य अपरिहार्य रहेको बताइन् । साथै, अराजकता कायमै रहेकोमा चिन्ता व्यक्त गर्दै सबैलाई गम्भीर भएर सोच्न आग्रह गरिन् ।