नेकपाको औपचारिक घोषणा, प्रचण्ड संयोजक र माधव सह–संयोजक

कम्युनिस्ट घटकको बृहत् एकता घोषणा

मेयरसाप डेस्क

तस्बिरः गौरव थापा/ मेयरसाप

काठमाडौं । नेपालमा वामपन्थी शक्तिहरूको ध्रुवीकरण गर्दै आज (बुधबार) नेपाली कम्युनिस्ट पार्टीको औपचारिक घोषणा गरिएको छ ।

काठमाडौंको भृकुटीमण्डपमा आयोजित राष्ट्रिय एकता सम्मेलनकाबीच विभिन्न कम्युनिस्ट घटकहरू सम्मिलित यो नयाँ पार्टी सार्वजनिक गरिएको हो ।

नयाँ एकीकृत पार्टीको नेतृत्वका लागि महत्त्वपूर्ण निर्णय लिइएको छ । सम्मेलनमा नेता महेन्द्रराय यादवले प्रस्तुत गरेको प्रस्ताव हलबाट सर्वसम्मतिले पारित भएको छ । 

संयोजकमा पुष्पकमल दाहाल ’प्रचण्ड’लाई तोकिएको छ, भने सह–संयोजकमा माधवकुमार नेपाललाई तोकिएको छ । यो एकतालाई नेपालको कम्युनिस्ट आन्दोलनमा एउटा नयाँ अध्यायका रूपमा हेरिएको छ ।