चिनियाँ कम्युनिस्ट पार्टीको उच्चस्तरीय टोली नेपालमा
जेनजी आन्दोलन र चुनावबारे चासो
मेयरसाप डेस्क
|
२०८२ माघ ८ गते १२:५२
काठमाडौं । चिनियाँ कम्युनिस्ट पार्टी (सीपीसी) अन्तर्राष्ट्रिय विभागका नेपाल प्रमुख झेङ युहा (सरला) को नेतृत्वमा एक उच्चस्तरीय टोली नेपाल आइपुगेको छ ।
नेपालस्थित चिनियाँ राजदूतावास स्रोतका अनुसार यो टोली तीन दिनसम्म नेपाल भ्रमणमा रहनेछ । हालैको जेनजी आन्दोलन र विकसित राजनीतिक घटनाक्रमपछि चीनबाट भएको यो पहिलो उच्चस्तरीय भ्रमण हो ।
नेपाल मामिलाकी जानकार र नेपाली भाषामा समेत पोख्त रहेकी झेङ नेतृत्वको यो टोलीले नेपालको बदलिँदो राजनीतिक परिस्थिति र आसन्न निर्वाचनका विषयमा विभिन्न पक्षसँग छलफल गर्ने बुझिएको छ ।
यसअघि पनि पटक–पटक नेपाल भ्रमण गरिसकेकी झेङले यसपटक टोलीको नेतृत्व नै गरेर आएकाले यस भ्रमणलाई अर्थपूर्ण रूपमा हेरिएको छ ।
Facebook Comments