बालेनको चुनावी अभियानमा अछाम पुगेका सिटौलाको निधन
आर्यघाटमा आजै दाहसंस्कार
मेयरसाप डेस्क
|
२०८२ माघ १९ गते १३:४८
काठमाडौं । वरिष्ठ चलचित्र पत्रकार एवं चलचित्र पत्रकार संघ नेपालका पूर्वअध्यक्ष दिनेश सिटौलाको ४३ वर्षको उमेरमा असामयिक निधन भएको छ ।
ब्रेन ह्यामरेजबाट पीडित सिटौलाको उपचारका क्रममा काठमाडौंको ग्राण्डी अस्पतालमा आज दिउँसो १२ः४५ बजे निधन भएको हो ।
राष्ट्रिय स्वतन्त्र पार्टीका वरिष्ठ नेता बालेन्द्र शाहको चुनावी अभियानका क्रममा अछाम पुगेका सिटौला त्यहाँ अचानक बेहोस भएर ढलेका थिए ।
बेहोस भएर ढलेका उनलाई गत शुक्रबार नै थप उपचारका लागि काठमाडौं ल्याई भेन्टिलेटरमा राखिएको थियो ।
सयौँ नेपाली चलचित्रको प्रचारप्रसार (प्रमोसन) मा सक्रिय रहेका सिटौला चलचित्र पत्रकारिता क्षेत्रमा एक कुशल र अनुभवी व्यक्तित्वका रूपमा परिचित थिए ।
अविवाहित सिटौलाका बुबा, एक दिदी र दुई दाजुभाइ छन् ।
Facebook Comments