२४ वर्ष देखि फरार प्रतिवादी पक्राउ
Mayorsap | एक महिना अगाडि 
झापा । ठगी मुद्दामा २४ वर्षदेखि फरार प्रतिवादीलाई प्रहरीले पक्राउ गरेको छ । पक्राउ पर्नेमा हल्दिबारी गाउँपालिका -१ बस्ने ६१ वर्षीय नरबहादुर विक रहेका छन् ।
जिल्ला प्रहरी कार्यालय झापाबाट खटिएको प्रहरीले मंगलबार बेलुकी विकलाई पक्राउ गरेको हाे ।
ठगी मुद्दामा जिल्ला अदालत झापाको २०५७ भदौ ४ गतेको फैसला उल्टी हुने ठहरी तत्कालीन पुनरावेदन अदालत इलामबाट २०५८ माघ २२ गतेको फैसला अनुसार १ वर्ष कैद र ५३ हजार ३ सय ३३ रूपैयाँ ३३ पैसा जरिवाना फैसला सुनाइएकाे थियाे ।
फरार रहेका उनलाई फैसला कार्यान्वयनको लागि जिल्ला अदालत झापामा पेश गरिएकाेमा अदालतको आदेशले कैद भुक्तानको लागि कारागार कार्यालय झापा पठाइएको छ ।
