राजारानीमा होमस्टे सेवा सुरु गर्न लेटाङमा तालिम सञ्चालन
Mayorsap | ३ दिन अगाडि 
मोरङ । लेटाङ नगरपालिकाले राजारानी क्षेत्रलाई प्रमुख पर्यटकीय गन्तव्य बनाउने योजना अन्तर्गत होमस्टे सेवा सुरु गर्न तालिम सञ्चालन गरेको छ ।
वडा नं. १ मा आयोजित ७ दिने रैथाने परिकार तालिमको अन्तिम दिन नगर प्रमुख भूपेन्द्रकुमार लावतीसहितको टोलीलाई विशेष आतिथ्यसाथ स्वागत गरिएको हो ।
मगर समुदायका तालिम सहभागीहरूले परम्परागत पोसाकमा फूलमाला, अबिर र मादल बजाएर टोलीलाई स्वागत गरे। अतिथिहरूलाई मकैको बिस्केट, मोहीसहित ७० प्रकारका रैथाने परिकार चखाइएको थियो ।
राजारानी, कुवापानी र समलामा होमस्टे सेवा विस्तार गर्ने लक्ष्यसहित नगरपालिकाले पर्यटन गुरु योजना तयार पारेको छ ।
तालिममा सहभागी १५ जनालाई प्रमाणपत्र वितरण गरिएको थियो भने प्रशिक्षक नारायण तामाङले प्रशिक्षण दिएका थिए। ।
स्थानीयले तालिम उपयोगी भएको भन्दै सामुदायिक हलको सुधारको माग गरेका छन् ।
.png)
