नवनियुक्त गभर्नर पौडेलले लिए पद तथा गोपनीयताको शपथ
Mayorsap | ९ घण्टा अगाडि 
काठमाडौं । नेपाल राष्ट्र बैंकका नवनियुक्त गभर्नर डा. विश्वनाथ पौडेलले बुधबार पद तथा गोपनीयताको शपथ लिएका छन् ।
सर्वोच्च अदालतका प्रधानन्यायाधीश प्रकाशमान सिंह राउतले उनलाई शपथ गराएका हुन् । शपथ ग्रहणपछि गभर्नर पौडेलले राष्ट्र बैंकको कार्यभार सम्हाल्न लागिएको बैंकका प्रवक्ता रामु पौडेलले जानकारी दिए ।
मंगलबार बसेको मन्त्रिपरिषद् बैठकले डा. पौडेललाई गभर्नरमा नियुक्त गरेको हो । संविधानअनुसार मन्त्रिपरिषद्बाट नियुक्त गभर्नरले प्रधानन्यायाधीशसमक्ष शपथ लिने प्रावधान छ ।
डा. पौडेलसँग अर्थशास्त्र तथा वित्तीय क्षेत्रमा लामो अनुभव छ, उनी आर्थिक नीति निर्माणमा समेत सक्रिय रहँदै आएका छन् । राष्ट्र बैंकको नेतृत्व सम्हाल्दै उनले मुलुकको मौद्रिक नीतिलाई सुदृढ बनाउने अपेक्षा गरिएको छ ।
.jpg)
