पूर्वराजा ज्ञानेन्द्र शाहका संवाद सचिवसँग प्रहरीले गर्यो केरकार
मेयरसाप डेस्क | ८ घण्टा अगाडि 
काठमाडौं । पूर्वराजा ज्ञानेन्द्र शाहका संवाद सचिव फणिन्द्र पाठकसँग प्रहरीले सोधपुछ गरिरहेको छ । जिल्ला प्रहरी परिसर काठमाडौंले शुक्रबार बोलाएपछि पाठक परिसरमा उपस्थित भएका हुन् ।
जिल्ला प्रहरी परिसर काठमाडौंका एसपी अपिलराज बोहराका अनुसार पाठकलाई ‘श्री ५ महाराजधिराज’ भनेर सम्बोधन गरिएका लेटरप्याड प्रयोग गरेको र संविधानले नचिनेको ‘संवाद सचिवालय’ भनी सम्बोधन तथा लेटरप्याडमा सूचना दिने गरेको विषयमा बुझ्नका लागि बोलाइएको हो ।
एसपी बोहराले श्री ५ महाराजधिराजको लेटरप्याड प्रयोग गरेको विषयमा केही बुझ्न भनेर आज ल्याइएको हो भन्दै यस विषयमा थप अनुसन्धान भइरहेको जानकारी दिएका छन् ।
